Acordo de colaboración coa Asociación Feiral Semana Verde

Acordo de colaboración coa Asociación Feiral Semana Verde

Acordo de colaboración coa Asociación Feiral Semana Verde 1920 1080 Fundación Roberto Rivas

Dende Fundación Roberto Rivas acabamos de asinar un acordo de colaboración coa Asociación Feiral Semana Verde, para sumar forzas a partir deste ano 2024.

Acordo de colaboración coa Asociación Feiral Semana Verde

José Luis Rodríguez, presidente da Asociación Feiral e Olga Rivas, Directora da Fundación Roberto Rivas afinando o convenio o pasado decembro (foto Blanca Paz).

Ambas entidades compartimos a idea de que o desenrolo económico e social dun territorio pasa por  visibilizar todo o que xa alí hai, pero ademais pasa por xerar oportunidades innovadoras que respondan á realidade do século XXI, para que as persoas poidan desfrutar dos seus dereitos e do seu benestar, e así poder levar a cabo os seus proxectos de vida.

E ao mesmo tempo as dúas entidades coincidimos tamén no obxectivo de dinamizar e xerar oportunidades na contorna de Silleda, en toda Galicia e en especial nas comarcas do interior. Este é o motivo polo que acabamos de asinar esta colaboración, porque móvemonos na necesidade de poñer en valor o medio rural en toda a súa dimensión económica, cultural e social e para as dúas, dalgún xeito,  este sentir colectivo materialízase en Silleda, ao redor da Semana Verde, recinto Ferial Internacional de Galicia en Silleda que entendemos que é un enclave estratéxico para o desenrolo socioeconómico de Galicia, e en particular, como infraestrutura de promoción e exposición comercial.

Acordo de colaboración coa Asociación Feiral Semana Verde

Con este convenio a Fundación Roberto Rivas impacta no Obxectivo de Desenvolvemento Sostible 17, xerando alianzas para alcanzar ditos obxectivos, e converténdose en socia da Asociación Feiral Semana Verde, e así poder ofrecer a todas as persoas emprendedoras que apoiamos e profesionais con quen colaboramos unha serie de beneficios derivados deste acordo.

O primeiro deles será o envío do Boletín Cultura Rural que lanza semestralmente a Asociación Feiral Semana Verde, no que contaremos cun espazo para ir comunicando as iniciativas da Fundación e no que queremos visibilizar tamén os emprendementos aos que estamos a apoiar.

Acordo de colaboración coa Asociación Feiral Semana Verde

Dejar una Respuesta

Back to top